આ ગુજરાતી અનુવાદ ફક્ત તમારી સુવિધા માટે છે. આ અનુવાદ અને અંગ્રેજી સંસ્કરણ વચ્ચે કોઈ પણ ફરક હોય તો અંગ્રેજી સંસ્કરણ માન્ય ગણાશે.
Dhanthak Soaps Pvt. Ltd. (“અમે”) bbsoap.net ચલાવે છે. 9 ઑક્ટોબર 2026 થી અમલમાં.
અમે કઈ માહિતી લઈએ છીએ
તમે ઓર્ડર કરો કે અમને લખો ત્યારે અમે તમારું નામ, ડિલિવરીનું સરનામું, ફોન નંબર, ઈમેલ સરનામું અને તમારા ઓર્ડરની વિગતો લઈએ છીએ. તમે એક્સપોર્ટ કોટેશન માંગો તો અમે તમારી કંપનીની વિગતો, ગંતવ્ય દેશ અને પોર્ટ લઈએ છીએ.
પેમેન્ટ
પેમેન્ટ Razorpay દ્વારા લેવાય છે. તમારા કાર્ડ, UPI કે બેંકની વિગતો Razorpay પાસે જાય છે, અમારી પાસે નહીં, અને અમે તે સાચવતા નથી. એ પગલા પર Razorpay ની ગોપનીયતા નીતિ લાગુ પડે છે.
અમે તમારી માહિતી શા માટે વાપરીએ છીએ
તમારો ઓર્ડર પાકો કરવા અને પહોંચાડવા, તમને જવાબ આપવા, ઇન્વૉઇસ બનાવવા, અને ટૅક્સ તથા કાયદાકીય ફરજો પૂરી કરવા. તમારું કાર્ટન પહોંચાડનાર કુરિયર Delhivery સાથે અમે તમારું નામ, સરનામું અને ફોન નંબર શેર કરીએ છીએ, બીજું કશું નહીં.
કૂકીઝ અને માપણી
સાઇટ એ કૂકીઝ વાપરે છે જે શૉપ ચલાવવા, ફોર્મ સુરક્ષિત રાખવા અને આપે પસંદ કરેલી ભાષા યાદ રાખવા માટે જરૂરી છે. કયાં પેજ અને જાહેરાતો ગ્રાહકો લાવે છે તે સમજવા અમે Google Analytics, Google Ads અને Meta (Facebook અને Instagram) પિક્સેલ વાપરીએ છીએ. તે પોતાની કૂકીઝ વાપરે છે અને તેમને આપે જોયેલાં પેજ, અને ઓર્ડર કરો ત્યારે ઓર્ડર નંબર, પ્રોડક્ટ અને રકમ મળે છે; આપનું નામ, સરનામું, ફોન નંબર કે ઈમેલ ક્યારેય નહીં. અમે આપનો ડેટા વેચતા નથી. આપ આપના બ્રાઉઝરમાં આ કૂકીઝ બંધ કરી શકો છો, તેનાથી આપના ઓર્ડર પર કોઈ અસર નહીં થાય.
માહિતી કેટલો સમય રાખીએ છીએ
ભારતના ટૅક્સ કાયદા પ્રમાણે જરૂરી હોય ત્યાં સુધી અમે ઓર્ડર અને ઇન્વૉઇસના રેકોર્ડ રાખીએ છીએ, પછી ડિલીટ કરીએ છીએ. સંપર્ક ફોર્મના સંદેશ ફક્ત જવાબ આપવા માટે જરૂરી હોય ત્યાં સુધી જ રખાય છે.
તમારા અધિકારો
અમારી પાસેની તમારી અંગત માહિતી જોવા, સુધારવા કે ડિલીટ કરાવવા contact@bbsoap.net પર લખો; કાયદા પ્રમાણે અમારે જે રેકોર્ડ રાખવા પડે તે આમાં અપવાદ છે. અમે માહિતી ટેકનોલોજી કાયદો, 2000 (Information Technology Act, 2000) અને ડિજિટલ પર્સનલ ડેટા પ્રોટેક્શન કાયદો, 2023 (Digital Personal Data Protection Act, 2023), જે રીતે અમલમાં હોય તે રીતે, પાળીએ છીએ.
ફરિયાદ અધિકારી
અંગત માહિતી વિશે કે ઓર્ડર વિશેની ફરિયાદ અમારા સંપર્ક પાના પર જણાવેલા ફરિયાદ અધિકારીને મોકલો. ગ્રાહક સુરક્ષા (ઈ-કૉમર્સ) નિયમો, 2020 મુજબ, અમે 48 કલાકમાં ફરિયાદ મળ્યાની જાણ કરીએ છીએ અને એક મહિનામાં તેનો નિકાલ કરીએ છીએ.
ફેરફાર
આ નીતિમાં કોઈ પણ ફેરફાર થશે તો તેની તારીખ સાથે અહીં મૂકીશું.
વીડિયો
અમારી ટીવી જાહેરાતો YouTube પર છે અને તેના પ્રાઇવસી-એન્હાન્સ્ડ પ્લેયર (youtube-nocookie.com) દ્વારા બતાવાય છે. મીડિયા પાના પર પ્લેયર પાના સાથે જ લોડ થાય છે; બીજે બધે તમે પ્લે દબાવો ત્યારે જ લોડ થાય છે. વીડિયો ચલાવવા પર YouTube ની પોતાની ગોપનીયતા નીતિ લાગુ પડે છે.